紫蓮の翼

憑一曲《 Chok》奪得金曲獎的 Chok王林峯，令一眾電視機前的觀眾邊睇邊 Chok住條氣，連 E神也抵死上載 Chok樣寸爆林峯。老實講，《 Chok》我就未聽過，反而 E神在勁爆時的 Crazy黃色 Chok眼妝就令我印象鬼咁深刻，與其全城 Chok住條氣，不如抄 E神玩 Chok眼無咁嬲！
記者：陳子穎
攝影：周旭文
模特兒： Ines@GME、 Sam@Starz People
化妝及髮型： Jan& Leo@Annie G. Chan Makeup Centre
Janice Man都戴


博士倫最近亦推出 LACELLE眼妝 Con，加了 Lace Pattern，與眼睛虹膜完美糅合，雙眼瞬即更大更閃。$240/盒
http://www.bausch.com.hk
　
襯 Crazy Con　眼線筆就夠


星級化妝師 Jan教路：「佩戴裝飾性隱形眼鏡的妝唔需要太多眼影，好似女模 Ines戴這副黑白格仔款，其實用簡單的線條襯托便可，為拍攝示範當然例外啦。」
Demo


1.用唇筆或較淺色的眉筆減淡眉毛顏色。然後用 Liquid Eyeliner在臉上勾勒出黑色線條，來呼應這副黑白格仔 Con。


2.眼影只須以灰、銀或金色做 Highlight便可，不然會令眼妝太突出而奪去 Crazy Con的風頭。最後，因鏡片覆蓋眼球的範圍大了，不妨畫一條粗眼線來拉長眼形，令眼睛看來更大。
E神橫掃　六六無窮


■ Eason出席勁爆前一天親自踩上門掃貨，一口氣掃走 6對 Con。
Eason上勁爆時戴的螢光隱形眼鏡引來全城勁讚，其實呢副裝飾性隱形眼鏡是英國品牌 Funky eyes出品，真正的用途是供電影化妝師應用於特技化妝上。最近由一家專業化妝品公司 Teamwork引入香港， Eason經化妝師介紹下，出席勁爆前一天親自踩上門掃貨，一口氣掃走 6對；之後，潮爸周國賢又掃走 6對。看來這些裝飾性隱形眼鏡更受男士歡迎。 Teamwork負責人 Dion話：「男士妝容或衣着始終不及女性般多變化，這類型的 Con勝在容易 Carry又夠突出，所以特別受男士歡迎。」




■ Eason的勁爆 Look。
Demo


可學 Eason玩同色系，而畫黃色眼影時不宜有太多 Layer以免搶去 Con的風頭，最後在眼窩位加一抹黃色的油彩來呼應便可。
玩嘢戴兩三粒鐘


■在 UV燈下，隱形眼鏡仲會變成螢光黃，型爆！男模 Sam試後：「起初戴有少少唔自在，可能是因為統一弧度。不過戴咗真係覺得型仔咗，去 Party啱晒。」
Funky eyes跟其他裝飾性隱形眼鏡一樣，購買時毋須驗配，可即買即戴，因為 Made in UK的關係，質素始終較有保證。「呢副 Con可以戴 30次，每次用完後用隱形眼鏡藥水浸住就 OK。不過，始終是專為特技化妝而設，並不適合日常佩戴，間唔中買副開 Party就 OK。」 Dion又提醒因為鏡片覆蓋眼球的範圍大咗，剩番畀對眼直接呼吸氧氣嘅位自然少咗，所以每次戴最多 2-3小時就好了，不要太長時間。


■這雙 Dragon Eyes夠晒應節。$198/對


■店員透露周國賢買了這對白色瞳孔 Con。$198/對




■各式 Funky eyes$198/對


■裝飾性隱形眼鏡的弧度多是 Standard Size，部份人士佩戴時可能覺得唔夠 Fit。


■ Funky eyes每隻 Con載於獨立小瓶，用後放回一般用的隱形眼鏡盒便可。
Teamwork（ 2735 9999）
佐敦恆豐中心 LG-18號舖